Εορτή των αγίων μυροφόρων γυναικών.

Αγάπην έχουσαι γυναίκες μαθήτριαι προς τον Κύριον και Διδάσκαλον Ιησούν Χριστόν, τη μια των σαββάτων, όρθρου βαθέος, μετά δακρύων, αρωμάτων και μύρων προσήλθον εις το μνημείον ίνα αλείψωσιν αυτόν΄ έλεγον δε προς εαυτάς΄ τις αποκυλίσει ημίν τον μέγαν λίθον εκ της θύρας του μνημείου;
Και αναβλέψασαι θεωρούσιν ότι αποκεκύλισται ο  λίθος. Και εισελθούσαι ουχ εύρον το σώμα του Κυρίου.
"Μυροφόροι γυναίκες, τω τάφω τι προσήλθετε; Ιησούν ζητείτε τον εσταυρωμένον; τι ζητείτε τον ζώντα μετά των νεκρών;  ηγέρθη, ουκ έστιν ώδε΄ ίδετε τον τόπον όπου έκειτο ο Κύριος΄ μνήσθητε ως ελάλησεν υμίν έτι ων συν υμίν. Ανέστη ο Κύριος, καθώς προείπεν΄ εβόησεν  εν χαρά  ο εξαστράπτων΄Αγγελος".
.Ταις μυροφόροις γυναιξί ο εξαστράπτων Άγγελος έλεγεν΄ παύσασθε των θρήνων και των δακρύων΄ την λύπην εις χαράν μετατρέψατε΄ απαγγείλατε τοις Μαθηταίς ότι ανέστη ο Κύριος.
"Ταις μυροφόροις γυναιξί, παρά το μνήμα επιστάς, ο Άγγελος εβόα΄ Τα μύρα τοις θνητοίς υπάρχει αρμόδια΄ Χριστός δε διαφθοράς εδείχθη αλλότριος΄ αλλά κηρύξατε΄ Ανέστη ο Κύριος, παρέχων τω κόσμω την αιώνιον ζωήν και το μέγα έλεος".

"Και ιδού Ιησούς απήντησεν αυταίς λέγων΄ χαίρετε.  αι δε προσελθούσαι εκράτησαν αυτού ευλαβώς τους πόδας και προσεκύνησαν αυτώ΄  τότε λέγει αυταίς ο Ιησούς; μη φοβείσθε΄ υπάγετε απαγγείλατε τοις αδελφοίς μου ίνα απέλθωσιν εις την Γαλιλαίαν, κακεί με όψονται".

"Το Χαίρετε τοις Μυροφόροις φθεγξάμενος, τον θρήνον της προμήτορος Εύας κατέπαυσας, τη Αναστάσει σου Χριστέ ο Θεός΄ τοις Αποστόλοις δε τοις σοις κηρύττειν επέταξας΄

Ο Σωτήρ εξανέστη του μνήματος".
Άσατε εν χαρά και αγαλλιάσει τον επινίκινον ύμνον.  Ανέστη ο Κύριος και Θεός ημών, ο ευδοκήσας σώσαι εκ θανάτου το γένος των ανθρώπων.
Χριστός ανέστη εκ νεκρών, θανάτω θάνατον πατήσας, και τοις εν τοις μνήμασι, ζωήν χαρισάμενος.
Αναστάσεως ημέρα, λαμπρυθώμεν λαοί. Πάσχα Κυρίου, Πάσχα΄ εκ γαρ θανάτου προς ζωήν, και εκ γης προς ουρανόν, Χριστός ο Θεός, ημάς διεβίβασεν, επινίκιον άδοντες.
Αληθώς,  ανέστη ο Κύριος΄ θανάτω θάνατον πατήσας και τοις εν τοις μνήμασιν, ζωήν χαρισάμενος.
"Και πολλά σώματα των κεκοιμημένων αγίων μετά την έγερσιν  του Χριστού εισήλθον εις την αγίαν πόλιν και ενεφανίσθησαν πολλοίς".
"Ει και εν τάφω κατήλθες αθάνατε, αλλά του Άδου καθείλες την δύναμιν΄ και ανέστης ως νικητής, Κύριε, Ιησού Χριστέ, ο Θεός ημών, γυναιξί μυροφόροις φθεγξάμενος "Χαίρετε", και τοις σοις Αποστόλοις ειρήνην δωρούμενος, ο τοις πεσούσι παρέχων ανάστασιν.
Δόξα τη θεία δυνάμει σου Κύριε΄ δόξα τη αγία αναστάσει σου Κύριε.
Δόξα Πατρί και Υιώ και Αγίω Πνεύματι΄ και νυν και αεί και εις τους αιώνας των αιώνων΄αμήν.